Reshjet në Gjirokastër, Viroi rrezikon të dalë nga shtrati (VIDEO)

Një tjetër pikë problematike në Gjirokastër sa herë ka përmbytje dhe reshje shiu intensive është liqeni i Viroit. Ai del nga shtrati duke krijuar vështirësi në qarkullimin e mjeteve në aksin Gjirokastër-Tepelenë. Momentalisht kjo rrugë është e kalueshme, por nëse niveli i ujit vjen duke u rritur, gjasat janë që të ketë probleme në orët e ardhshme. Ekipet e emergjencave nga Bashkia Gjirokastër dhe Autoriteti Rrugor Shqiptar janë në terren për të monitoruar nga afër situatën. Argjirolajm.net sjell pamje nga situata në Virua mesditën e sotme.