Deputeti i PS në qarkun Gjirokastër, Laert Duraj, ka bërë një reagim pas rikonfirmimit në Kongresin e djeshëm të socialistëve si Sekretar për Emigracionin. Ai thotë se nën qeverisjen e PS emigrantëve iu është rritur dinjiteti, si dhe iu ofrohen shumë lehtësi. Më poshtë reagimi i tij i plotë.
Të dashur miq,
Rinisja e aktivitetit të Sekretariatit të Emigracionit, është një lajm i shkëlqyer për të gjithë socialistët 🌹në emigracion dhe jo vetëm. Një falënderim nga zemra 🙏 për rikonfirmimin në këtë Sekretariat! Para na pret një punë e madhe, mbushur me sfida po aq të mëdha, (riorganizimi si dhe trendet e reja ku veprohet), sidomos nisur nga fakti që ndryshimet në Kodin Zgjedhor bëjnë të mundur votën 🗳️ e çdo emigranti. Në takimet me qindra emigrantë, kam ndjerë që qëndrimet e qeverisjes socialiste🌹 dhe padyshim të Kryeministrit tonë, Z. Edi Rama, kanë rritur dinjitetin e emigrantëve, dhe krahas dinjtetit, edhe shumë lehtësira që tashmë iu ofrohen emigrantëve. Megjithatë, jemi të qartë se ka ende shumë çështje që presin zgjidhje. Qeveria jonë ka disa institucione që kanë në fokus emigracionin dhe diasporën. Shpreh bindjen se Sekretariati për Emigracionin do të jetë një zë më i fortë për të gjetur zgjidhje të shpejta dhe efikase!
