Luftëtari duket se po riorganizohet, jo vetëm në drejtim, por edhe në ekipet e moshave. Për herë të parë, këtë sezon, bluzinjtë kanë një akademi me kuptimin e plotë të fjalës, dhe jo si në vitet e shkuara me 3-4 ekipe pjesëmarrëse në garat zyrtare.
Kështu, te Luftëtari janë ngritur ekipe që nga fëmijët e deri te skuadra U-19, madje do të marrë pjesë në garat zyrtare edhe skuadra U-15 në kampionatin zyrtar të FSHF-së.
Nën drejtimin e ekipeve janë emra të njohur. Drejtor akademie është ish-sulmuesi i Luftëtarit, Nalton Musta, ndërsa tek ekipet e moshave drejtojnë emra të njohur të futbollit gjirokastrit dhe jo vetëm si: Klodian Brahimi, Florian Braho, Arbër Bistri apo dhe Aleksandër Qiqi e Petraq Meçi.
Nga sezoni i ardhshëm e në vijim, synohet që skuadra e parë të ketë më shumë elementë vendas nga skuadrat e moshave, të cilat do të kenë mbështetje dhe prioritet, si nga klubi ashtu edhe nga baskia e Gjirokastrës për të rikthyer traditën e humbur te Luftëtari, ku nuk ka pasur lojtarë vendas jo vetëm në formacion, por edhe të federuar kanë qenë 5-6 emra të cilët më pas janë huazuar në ekipet e Kategorisë së Dytë të Qarkut…!
