Nga Roland Bejko
Të besosh si të drejtë një vendim gjykate që ta bëri dhuratë në sini të argjentë burri i sekretares tënde, dhe të paragjykosh si të padrejtë vendimin e një trupe gjyqtarësh që s’kanë asnjë kpnflikt interesi me dikë në drejtimin e PD së moderuar, këtë tezë, vetëm një demagog i shkollës Ramiziste mund ta artikulojë. Ishte i pritshëm ky reagim nisur nga fakti se je i miri kur je me të, dhe i keqi dhe i poshtri kur je kundër interesave të tij.
Gjithsesi, duhet kuotuar se sot filloi zyrtarisht çmontimi i elitës punisto-ramiziste që e pat marrë peng demokracinë dhe jetën e shqiptarëve prej 32 vitesh. Pala legjitime e drejtimit të PD-së ka barën nga sot e tutje t’u dëshmojë shqiptarëve se ka këllqe të bëjë politikë duke qenë ajo alternativa e duhur dhe shpresa për të ardhmen e shqiptarëve!
Përndryshe, dëm sakrifica e rezistencës ndaj furisë puniste të Sali Berishës dhe makinerisë milionere të propagandës me shpif e shaj këdo që s’mendon si ti, të tij! Nëse nuk e bëjnë këtë, asnjë vlerë nuk ka sigurimi i të drejtës mbi legjitimitetin e drejtimit dhe menaxhimit të Partisë Demokratike, e cila, duhet theksuar, nuk është pronë e asnjë individi, familje, klani, krahine, a grupi interesi, por është tërësia e mundit, kontributit dhe sakrificave të mijëra e mijëra drejtuesve, anëtarëve e simparizantëve të saj nga jugu në veri, nga lindja në perëndim, përgjatë 32 viteve, qysh nga dita e parë e themelimit të saj.