Roma “thyen” 1-0 Como-n, del me 3 pikë nga stadiumi “Olimpik”, një sukses shumë i rëndësishëm që fut ekipin e Gasperinit mes ekipeve që synojnë titullin në Serie A, të paktën për momentin, pasi kreu ndodhet vetëm 3 pikë larg. Como e Fabregas vërtetoi edhe një herë se e ka të vështirë të bëjë të madhin ndaj të mëdhenjve, kjo ishte humbja e dytë radhazi pas Inter.
Vendasit ishin superior në fraksionin e parë duke flirtuar në të paktën dy raste me golin e avantazhit. Como reagoi, Svilar ishte në një mbrëmje të mirë. Në fraksionin e dytë, në minutën e 61-të, Roma gjeti golin e avantazhit, ku goditja e Wesley përfundoi në rrjetë. Goli i mbrojtësit brazilian rezultoi një trepikësh pasi rezultati mbeti i pandryshuar deri në fund.
Ky sukses për Romën vjen në një moment të rëndësishëm pas dy humbjeve radhazi kundër Cagliari-t dhe Napolit. Shijon këtë fitore trajneri Gasperini, por ky i fundit nuk feston përpara kohë dhe nuk zhbalancohet kur pyet në lidhje me garën për titull: “Në këto momente ne jemi një skuadër e mirë, punojmë për të qenë më të fortë. Të lush kundër nesh nuk është kurrë e lehtë për askënd. Të vazhdojmë me këtë shpirt është shumë e rëndësishme”, u shpreh Gasperini pas suksesit 1-0 përballë Como-s.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
