Një 66-vjeçar ka përfunduar në prangat e policisë, pasi është autori i dyshuar i dhunimit të një gruaje të moshuar në qytetin e Gjirokastrës. Policia ka njoftuar se i arrestuari është shtetasi me inicalet, K.Xh., banues në Palokastër të Gjirokastrës. Ai akuzohet nga policia, pasi më 18 shtator ka dhunuar në banesën e saj, të moshuarën Pina Qamo. Më herët ajo ka zbuluar se ka qenë ora 11:00 e natës kur në shtëpi iu fut dikush, qe ajo thotë se nuk e njihte, dhe me pas nisi ta dhunonte me grushte ne koke dhe ne pjese te trupit.
“Ishte ora 11 e natës, kur një person u fut në shtëpinë time. Nisi të më godasë në kokë me grushte e në trup. M’u hodh sipër e më zuri frymën. Nuk e njoh personin, por arrita të dalloj që ishte një burrë, i veshur me rroba të ashpra”- tregon mes dhimbjes ajo.
Njoftimi i policisë:
Në vijim të veprimeve për zbardhjen e ngjarjes së ndodhur në fshatin Palokastër, Gjirokastër, ku është dhunuar në banesën e saj shtetasja P. Q., u bë ekzekutimi i urdhërit të Prokurorisë Pranë Gjykatës së Shkallës së Parë Gjirokastër, për ndalimin e shtetasit K. Xh., 66 vjeç, banues në fshatin Palokastër, Gjieokastër.
Materialet hetimore i kaluan Prokurorisë Pranë Gjykatës së Shkallës së Parë Gjirokastër, për veprime të mëtejshme.
