Kushëriri i Koço Kokëdhimës ka rënë në pranga pasi akuzohet se ka ushtruar dhunë mbi disa turistë spanjollë. Mësohet se në pranga ka rënë 51-vjeçari, Mihal Kokëdhima.
Gazeta Tema zbuloi ditën e sotme detaje të reja janë zbuluar lidhur me sherrin, ku disa turistë spanjollë në Porto Palermo u rrahën nga pronarët e lokalit pasi nuk u kishte pëlqyer shërbimi.
Të njëjtat burime bëjnë me dije se ngjarja e rëndë ka ndodhur në Porto Palermo, në restorantin me emrin “Panorama”, i cili më pas u zbulua se është në pronësi të kushërinjve të Koço Kokëdhimës, Mihalit që është vënë në pranga tashmë.
Mësohet se ministri i Turizmit Blendi Klosi është nisur me urgjencë drejt Vlorës për të inspektuar nga afër ngjarjen e ndodhur. Ndërkohë Policia e Vlorës ende nuk ka bërë asnjë reagim lidhur me ngjarjen.
