Banorja e Big Brother VIP Kosova, Sasa Hoda, ka ndarë një prej momenteve më të ndjera dhe personale gjatë një bisede me banorët, duke treguar për herë të parë detaje të dhimbshme nga lidhja e gjatë që ka pasur në të kaluarën. Rrëfimi i saj ka prekur publikun, teksa ajo zbuloi se për një dekadë ishte pjesë e një marrëdhënieje që e kishte filluar shumë e re dhe që, sipas saj, ishte e mbushur me manipulim dhe abuzim emocional.
Sasa tregoi se ishte vetëm adoleshente kur nisi lidhja, duke menduar se kishte hyrë në një marrëdhënie të pjekur, ndonëse sot e sheh se ishte tepër e re për të kuptuar situatën.
“Kam qenë dhjetë vite me të dashurin tim edhe unë kam menduar se kam qenë 21 vjeçare. Kam qenë tepër e re, plus e kam pasur një kompleks gjithë kohën se vetëm ai më do dhe askush tjetër, dhe ai e ka shfrytëzuar situatën,” u shpreh ajo mes emocionesh.
Gjatë rrëfimit, Sasa pranoi se partneri i saj i atëhershëm e kishte bindur se nuk kishte vlerë dhe se askush tjetër nuk do ta donte kurrë, një formë manipulimi që e kishte mbajtur të lidhur me të për vite të tëra.
“Ai e ka shfrytëzuar situatën duke më thënë se ty nuk të do askush përveç meje… Ai më ka shfrytëzuar mua gjithqysh emocionalisht, financiarisht,” shtoi ajo.
Sasa rrëfeu se kjo marrëdhënie e kishte izoluar deri në atë pikë sa kishte humbur lidhjet me familjen dhe njerëzit e afërt. Ajo tregoi se kishte sakrifikuar gjithçka për të, përfshirë edhe raportet me familjarët e saj.
“Kam qenë në gjendje për të me humb çdo njeri. Familja ime nuk më ka folur me muaj për çështje të tij,” tha ajo.
