Dy banesa 100 vjeçare në lagjen “Cfakë” të Gjirokastrës, një nga lagjet më të vjetra të qytetit të gurtë, po shemben.
“Ngjitur me njëra – tjetrën aty jetojne dhjetë vetë. Kur toka dridhej dhe muret kërcisnin ata u tmerruan”, thonë banorët.
Drejtori i Shërbimit Gjeologjik Gjirokastër, Çano Nora tregon se zona është problematike për shkak të formacioneve të paqëndrueshme dhe prurjeve të përroit të Nanxës. Duhen prita per te evituar shembjen e tyre.
Vetëm në qytetin e Gjirokastër, 16 banesa ndodhen në gjendje të tillë. Reshjet e dendura, të cilat u pasuan me çarje të tokës, janë shkak i situatës. Por rreziku më i madh është tek ato shtëpi që janë ndërtuar pranë përrenjve që me raste kanë prurje të pakontrollueshme.
