Rritja e rasteve në Shqipëri, gati hapja e spitalit “Covid 3” për pacientët

Teksa vendi ynë po përballet me shifra në rritje të rasteve me koronavirus, kryeministri Edi Rama po zhvillon një takim me mjekë në Qendrën Spitalore ‘Nënë Tereza’.
Mësohet se takimi i kreut të qeverisë me drejtues dhe mjekë, ka si qëllim informimin për situatën në fjalë.
Bëhet e ditur se kryeministri po bën një inspektim përpara hapjes së spitalit COVID3. Kujtojmë se ministrja e Shëndetësisë, Ogerta Manastirliu deklaroi se COVID 3 do të hapej kur të ezauroheshin kapacitetet në dy spitalet që trajtojnë të prekur me koronavirus, Infektivi dhe “Shefqet Ndroqi”.