Mbrëmjen e ditës së djeshme, AKU Sarandë, në rrugën nacionale Sarandë -Ksamil, vendi i quajtur Manastir, ka bllokuar një sasi prej 86 kg peshk, i pashoqëruar nga dokumentacioni përkatës. Nga kontrolli rezultoi që si fatura dhe kuponi tatimor i paraqitur trupës së inspektorëve të AKU-së ishin fiktive. Sasia e konfiskuar ndodhej në automjetin me targë AA 231 EJ dhe dyshohej se vinte kontrabandë nga Greqia. Subjekti u gjobit me 100000 lekë. Menjëherë u krye bllokimi dhe asgjesimi i sasisë së konfiskuar. Ky akt u krye në bashkëpunim me Inspektoriatin e Mjedisit. Ministria e Bujqësisë ndërkaq, garanton të gjithë pushuesit se do të vazhdojë t’i forcojë dhe thellojë masat dhe aksionet, për t’u siguruar atyre një sezon sa më të sigurtë veror.
© ArgjiroLajm.net
