Autoritetet italiane kanë shpërbërë një rrjet të trafikut të drogës në Lombardi, përfshirë edhe në provincën e Pavias. Gjatë këtij operacioni janë sekuestruar 60 kilogramë drogë, ndërsa janë lëshuar 11 masa sigurie. Sipas mediave italiane, janë lëshuar 11 masa sigurie për 5 marokenë, 2 shqiptarë, 1 prej tyre është arrestuar, 1 tunizian, 3 italianë dhe 1 algjerian.
Të dyshuarit akuzohen për trafik ndërkombëtar droge, veçanërisht kokainë, hashash dhe marihuanë. Hetimet ndaj tyre kanë nisur në korrik të 2020, ndërsa grupi kriminal ishte i përfshirë në trafikun e sasive të mëdha të drogës nga Evropa Veriore. Për të shmangur kontrollet, anëtarët e rrjetit përdorën makina me targë falso dhe telefona të koduar.
Autoritetet italiane njoftojnë se nga hetimi janë marrë 71 persona të dyshuar, ndërsa u sekuestruan 61 kilogramë kokainë, 16 kilogramë hashash dhe 3 kilogramë marihuanë të sekuestruara. Lënda narkotike ishte e destinuar kryesisht për tregun në provincat e Bergamos, Lodi, Pavia, Monza, Mantua, Leçodhe Brescia. Krahas këtyre sekuestrimeve, marsin e kaluar u gjetën edhe 11 kg kokainë në një shtëpi në Bergamo, e cila i përkiste një shqiptari që ndërroi jetë nga mbidoza. Hetimi gjithashtu dokumentoi lëvizjen e mbi 200 kilogramëve kokainë, e cila mbërriti në Lombardi nga Evropa Veriore.
