Reshjet e dy ditëve të fundit kanë rikthyer rrezikun në Gjirokastër. Vërshimi i ujërave të përroit të Çullos e ka bërë të pakalueshme rrugën që lidh lagjen ‘Granicë’ me lagjen ‘Gërhot’. Banorët që jetojnë aty pranë tremben nga përmbytjet, teksa bëjnë apel për ndihmë. Bashkia Gjirokastër ka bërë një ndërhyrje provizore në këtë zonë, për të sistemuar ujërat e përroit, por sërish gjendja mbetet problematike, pasi duhet një investim më i madh, që nuk mund të mbulohet nga buxheti i bashkisë. Qytetin e Gjirokastrës e përshkojnë dhjetë përrenj, por më problematiku mbetet përroi i Çullos.
©ArgjiroLajm.net
