Një sherr në familje ka ndodhur në Kosinë të Përmetit. Një i moshuar 80 vjec, me inicialet P.N, ka ushtruar dhunë fizike dhe psikologjike ndaj bashkëshortes së tij, shtetase, V.N.
Por në sherr ka ndërhyrë edhe vëllai i bashkëshortes për të mbrojtur motrën natyrisht. Shtetasi Ç.M ka ushtruar dhunë fizike ndaj kunatit, shtetasit P.N, duke i shkaktuar dëmtime në trup. 80-vjecari është dërguar për mjekim në spital, ndërsa kunati Ç.M, është arrestuar nga policia.
E thënë më thjeshtë: Burri rrahu gruan, por nuk u arrestua për shkak të moshës së madhe. Në burg përfundoi kunati që rrahu dhëndrin (80 vjecarin) për të mbrojtur motrën. Më poshtë njoftimi i plotë i Policisë Gjirokastër.
Specialistët e Seksionit për Hetimin e Krimeve në Komisariatin e Policisë Përmet arrestua në flagrancë shtetasin Ç. M., 52 vjeç, banues në fshatin Piskovë, Përmet, si dhe u referuan materialet në Prokurorinë pranë Gjykatës së Shkallës së Parë Përmet, për shtetasin P. N., banues në fshatin Kosinë, Përmet, pasi shtetasi P. N. ka ushtruar dhunë fizike dhe psikologjike ndaj bashkëshortes së tij, shtetases V. N..
Në ato momente ka ndërhyrë shtetasi Ç. M.(vëllai i shtetases V. N.), i cili ka ushtruar dhunë fizike ndaj kunatit, shtetasit P. N., duke i shkaktuar dëmtime në trup. Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Përmet për veprën penale “Dhuna në familje”
