Sherri në ishullin e Mykonosit nuk ka përfunduar mirë për Harry Maguire, kapitenin e Manchester United. Mbrojtësi anglez, protagonist që bëri xhiron e botës, në Mykonos, është shpallur fajtor për agresion të rëndë, rezistencë ndaj arrestimit dhe korrupsion ndaj autoriteteve greke, pasi u përplas fizikisht me një biznesmen. Prokurori Yoannis Paradissis përfaqëson policët grekë, është shprehur për mediat greke se dënimi i futbollistit mund të rrëzohet nga Gjykata nëse Meguire nëse kërkon falje.
Gjithashtu ai ka shtuar se nga analizat e bëra nga hetuesia greke, motra 20-vjeçare e kapitenit të Manchester United, Daisy, nuk është droguar nga biznesmeni që futbollisti pretendon se është shqiptar. Prokurori ka shtuar se e gjithë historia ishte trilluar nga Maguire si një përpjekje për të dalë i “larë” nga sherri i ndodhur.
“S’kam dëgjuar kurrë më parë gënjeshtra të tilla. Procesi i apelimit në Greqi ka nisur. Ka akoma kohë që të tre të pandehurit të thonë se gabuan dhe mendoj se nëse pranojnë fajin, dënimi do të jetë ndryshe. Jemi ende duke pritur që ata të kërkojnë falje. Une kërkoj falje dhe më vjen keq për atë që i ndodhi personit tjetër. Nuk e kemi marrë ende versionin e tij lidhur me çfarë ndodhi. Maguire pretendon se është viktimë por si mund të jetë e vërtetë kjo kur ti ke sulmuar efektivët e Policisë që po bënin punën e tyre.”
Më tej, prokurori është ndalur më gjatë lidhur me akuzat për motrën e Maguire, e cila sipas futbollistit ishte droguar për t’u përdhunuar.
“Sulmi s’ka lidhje me motrën. Motra u intervistua nga policia dhe tha që s’kishte fare lidhje me sherrin. Kjo është thjesht alibija e tij.”
Edhe pse në artikullin e Dailymail thuhet se agresori është shqiptar, mediat greke kane raportuar se ai nuk është me origjinë shqiptare, gjë që u konfirmua edhe nga prokurori i çështjes sot. Mbrojtësi i Anglisë dhe kapiteni i Manchester United, Harry Maguire u shpall fajtor për të gjitha akuzat pas sherrit të ndodhur në Mykonos të Greqisë. 27 vjeçari u dënua me 21 muaj për sulmin ndaj policisë, abuzimin verbal dhe përpjekjen për ryshfet. Vëllai i tij Joe që luan për ekipin Ilkeston Toën, gjithashtu u shpall fajtor për sulm ndaj policisë ndërsa 29-vjeçari Christopher Sharman, u shpall fajtor për sulm dhe abuzim verbal./ DailyMail
