Shqipëria ka arritur të grumbullojë 1.15 miliardë euro në Konferencën e Donatorëve.
Shifra është konfirmuar nga ambasadori i BE në Tiranë, Luigi Soreca.
Dëmet që sipas llogarive shqiptare shkojnë në 1 miliardë euro. Koordinatorja e Komitetit për Vlerësimin e Dëmeve të shkaktuara nga tërmeti i 26 nëntorit, Milva Ekonomi që prezantoi në Bruksel raportin tha se dëmi i shkaktuar në ekonomi llogaritet 985 milionë euro, ndërsa nevoja për rindërtim 1,073 miliardë euro.
Në një bisedë me Deutsche Wellen Ministri i Rindërtimit Arben Ahmetaj tha se pret që në Konferencën e Donatorëve në “kombinim me grante dhe kredi të arrihet të mblidhet një ndihmë rreth 450 milionë euro” për Shqipërinë. Ditën ne djeshme ai u shpreh se pritshmëritë shkonin tek 300-350 milionë euro.
