Dega e Lëvizjes Socialiste për Integrim në Sarandë, pretendon se dy kandidatë të PS-së për deputetë në Qarkun e Vlorës po blejnë vota në Konispol dhe Sarandë, në bashkëpunim me policinë.
“Lëvizja Socialiste për Integrim Sarandë, denoncon një rast të frikshëm të blerjes së votës nga kandidati i rilindjes Alket Hyseni. Në Konispol dhe Sarandë ka shpërthyer blerja e votave nën shoqërimin e furgonëve të policisë. Kandidatet e rilindjes Alket Hyseni dhe Ramis Husi janë në krye të këtij operacioni kriminal”, thuhet në njoftimin e LSI-së.
Në këtë njoftim, LSI që i bën edhe një apel Ministrit të Brendshëm dhe Policisë së Shtetit:
“I bëjmë thirrje Ministrit të Brendshëm dhe Drejtorit të Policisë së Shtetit të marrin urgjentisht masa për të parandaluar këtë veprimtari kriminale”.
Alket Hyseni, renditet i treti në listën e kandidatëve për deputetë të PS në qarkun e Vlorës, ndërsa Ramis Husi i 9-ti. /LAPSI.AL/
