Një shpërthim në një fabrikë çmontimi armësh në Rusi të premten u mori jetën 17 personave, thanë zyrtarët rusë. Sipas Reuters, të gjithë punëtorët e turnit ishin brenda godinës kur ajo shpërtheu, në fshatin Lesnoy, në rajonin perëndimor Ryazan.
Zyrtarët që po hetojnë ngjarjen besojnë se shpërthimi nisi në një prej magazinave të barutit, tha ministria e Emergjencave. Guvernatori i rajonit deklaroi se 25 tetori do të jetë ditë zie në Ryazan, ndërsa apeloi për më shumë masa sigurie për punëtorët.
Hetuesit thanë se do të kontrollonin nëse ishin marrë të gjitha masat e sigurisë në fabrikë, ndërkohë po planifikojnë edhe inspektime të befasishme për të kontrolluar sigurinë në fabrika të tjera të ngjashme në të gjithë vendin.
