Nga Adriatik Lapaj
Sot në Gjykatën Administrative të Shkallës së Parë Tiranë i mituri F.R arriti të triumfojë mbi sistemin tonë shëndetësor të kalbur i cili nuk siguron ilaçe për fëmijët me leuçemi. I mituri F.R i cili është me sindromën Down në vitin 2020 u diagnostifikua me Leuçemi akute dhe terapia fillestare e rekomanduar nga mjekët, konsistonte në 4 seanca trajtimesh me medikamentin Adriamicin (Doxorubicine).
Në fazën që pasonte, fëmijës iu rekomandua terapia me medikamentin Methotrexate, një nga ilaçet thelbësore për luftimin e sëmundjes. Ky ilaç mungonte. Përmes Down Sindrome Albania familja ju drejtua Komisionerit për Mbrojtjen nga Diskriminimi. Ky institucion e gjeti QSUNT dhe Ministrinë e Shëndetësisë në shkelje të ligjit.
Ndaj vendimit të Komisionerit QSUNT ngriti padi duke kërkuar shfuqizimin e vendimit. Sot gjykata u ngrit në lartësinë e ligjit dhe moralit njerëzor duke rrëzuar pretendimet e Qendrës Spitalore Universitare “Nënë Tereza” se nuk kishte diskriminim ndaj të miturit pasi ilaçi nuk kishte munguar veç për të, por për të gjithë fëmijët e sëmurë. Është kaq trishtuese situata ku jetojmë, por nuk ka rrugë tjetër për ta ndryshuar veçse duke u përballur.
Mirënjohës ndaj familjarëve të të miturit që pavarësisht vështirësive po luftojnë! Nga profesioni im kam shumë trishtim sepse shoh se si korrupsioni në këtë vend gëlon e veten se gjej dot mes atij mjerimi, por ka dhe ditë si kjo që zemra më mbushet plot e besimi me ujitet për të vazhduar. Ky gjyq është kontribut pro bono për këtë kauz të drejtë.
