Ministrja e Shëndetësisë Ogerta Manastirliu tha se duhet forcë e durim për t’ja dalë këto muaj të dimrit me pandeminë.
Ajo theksoi se “presim që vaksina të vijë në një kohë të shpejtë të jetë e aksesueshme duke nisur me personelin shëndetësor, grupet e rriskut e më pas në gjithë popullatën”.
Ministrja ishte në qendrën shëndetësore Porto Romano në periferi të Durrësit, e rehabilituar, pjesë e programit kombëtar të 300 qendrave shëndetësore.
Sipas ministres, me buxhetin e vitit 2021, “me rritjen historike për sektorin e shëndetësisë, do të vijojmë përmirësimin e infrastrukturës shëndetësore dhe shërbimeve për qytetarët, për më shumë akses dhe cilësi në shërbimet shëndetësore falas, afër vendbanimit”.
“Paketa më e fundit e miratuar nga qeveria e barnave të rimbursuara falas për trajtimin e simptomave covid, tjetër paketë e shtuar e do vijojë për 2021 me fondet e dedikuara të buxhetit të shtetit. Sistemi do vijojë të fuqizohet”, tha Manastirliu.
