Ka shkuar në 10 numri i të prekurve me koronavirus në Shqipëri. Lajmin e dha zv.Ministrja e Shëndetësisë në një konferencë për shtyp. Zv.Ministrja shtoi se dy raste janë të palidhura me ‘pacientin zero’ i cili infektoi të paktën 6 persona të tjerë. Ndërkohë zv.Ministrja Mira Rakacolli u shpreh se njëri prej të prekurve të rinj ndodhet i hospitalizuar në spitalin e Durrësit.
“Deri sot janë testuar 114 raste të dyshuar, prej të cilëve vetëm 10 janë pozitiv. Ato që kanë qenë dje, 6 që janë kontakte të këtyre të sëmurëve dhe dy raste të reja të palidhura me këto raste.
Një që është i shtruar në Infektiv dhe ka një histori udhëtimi në Milano një ditor, dhe një në spitalin e Durrësi”,– tha zv.Ministrja e Shëndetësisë Rakacolli.
