Në Grykën e Këlcyrës vazhdojnë punimet dhe sot. I dërguari I gazetës Tema në vendngjarje gjeti pesë puntërorë me origjinë nga Kukësi të punësuar në të zezë me një mijë lek dita, plus fjetjen të cilët po mereshin me skelat e betonit.
INUK I Gjirokastrës që ka shkuar dje në vendgjarje, duket që ka marr urdhër të bëj sikur nuk shikon çfarë ndodh. E njëjta gjë dhe me policinë e Përmetit e cila ka detyrë të mbikqyrë territorin.
Ngjarja zë fill dy javë më parë, kur Harri Lena, ka vendosur të uzurpoj një burim uji në formë ujvare që del në pjesën përballë Fabrikës së tij në anën tjetër të Vjosës. Për të mbledhur ujin, ai duhet të ngrej një kull betoni në Vjosë dhe pastaj një urë të shëmtuar betoni mbi lumë për ta kaluar në anën tjetër.
Të gjitha këto po i bën tërësisht pa leje zyrtare, por përmes korruptimit të strukturave të INUK dhe Policisë.
Për një ndërtim të tillë duhet leja nga KKT e Republikës, të cilin ai mund ta sigurojë falë lidhjeve korruptive.
Shoqëria civile ka shpërthyer dje në protesta kundër tij dhe po përgatisin një miting të madh proteste në mbrojte të Vjosës, ku Harri Lena do të jetë një nga të akuzuarit e mëdhenj.
Ndërkohë po përgatitet një padi penale ndaj policisë së Këlcyrës dhe INUK të Gjirokastrës për mosveprim dhe mos ndalim të autorit të krimit./tema
