Kristal Abazaj dhe të rinjtë e tjerë të Luftëtarit kanë tërhequr vëmendjen e shumë klubeve dhe ofertat për ta nuk mungojnë. Dëshira e tyre është që ta vijojnë karrierën jashtë vendit, ndërkohë që në vend Skënderbeu është një pistë e mirë, duke parë mundësin se të krijohet mundësia të luash në Europë, aty ku ofertat që do të vinin do ishin në dimensione të tjera.
Për Abazajn ka një interesim nga korçarët, që sipas gazetës “Panorama Sport” janë gati të ofrojnë 200 mijë euro për kartonin e tij. Presidenti Tavo do e vlerësojë këtë ofertë, nëse ajo do të bëhet zyrtare, pasi janë hapat e parë për të kryer këtë lëvizje.
Në Gjirokastër kërkojnë që të shpëtojnë edhe nga rënia prej Superiores, ndaj mund edhe të pritet deri në verë për të shitur Abazajn, që është ndër lojtarët më të rëndësishëm të skuadrës së Likës.
