Gati dy muaj pas betimit të qeverisë së re, kryeministri Edi Rama ka vendosur spastrimin e administratës publike nga njerëzit e LSI-së, kryesisht ata që vazhdojnë ende të mbajnë poste drejtuese. Kjo është bërë e ditur sot në mbledhjen e grupit parlamentar të PS-së.
Mësohet se Rama u ka kërkuar ministrave të nisin me shkarkimin e drejtuesve të LSI-së në çdo institucion të administratës publike.
Duket se ky vendim i Ramës lidhet patjetër edhe me presionin e bazës socialiste dhe deputetëve të tij, të cilët ndeshen përditë me ankesat e njerëzve për drejtuesit e LSI-së, që prej 25 qershorit ka dalë në opozitë. Sa i përket qarkut Gjirokastër, drejtuesit e LSI-së që pritet të shkarkohen janë:
Spiro Diamanti te Drejtoria Rajonale e Institutit të Sigurimeve Shoqërore
Koçi Rapi te Drejtoria Rajonale e Bujqësisë
Eri Ndreu te Drejtoria e Arkivës Gjirokastër
Filip Vito te Inspektoriati Shtetëror i Mjedisit dhe Pyjeve
Kristaq Xha te Bordi i Kullimit
Nikolla Buka te Ndërmarrja e Trajtimit të Studentëve
Ahmet Çabej te Drejtoria Rajonale e Tatimeve
