Gregory Rigano, një këshilltar në Shkollën e Mjekësisë në Stanford, pohoi se një studiues francez kishte testuar një kurë, e cila kishte rezultuar frytdhënëse për të shëruar koronavirusin.
Sipas tij, specialisti më i shquar i sëmundjeve infektive në botë — Didier Raoult, kishte kuruar 40 pacientë me ilaçin “çudibërës” dhe kishte pasur rezultat 100% në kurimin e pandemisë.
“Pas 6 ditësh, 100% e pacientëve të trajtuar me HCQ dhe Azithromycin ishin kuruar plotësisht,”-tha Rigano.
Përveç këtij lajmi premtues, Daily Ëire raportoi të hënën se një ekip australian kishte njoftuar se besonin që kishin gjetur një tjetër kurë efektive për koronavirusin.
“Drejtori i Qendrës së Kërkimeve Klinike të Universitetit të Queensland, Profesor David Paterson tha në momentin kur në disa provëza kishin përdorur Chloroquin (një ilaç anti-malarial) dhe lopinavir / ritonavir (ilaç që kuron HIV), në to nuk kishte mbetur më asnjë shenjë e covid-19.“
Ndërkohë Italia ngelet një nga vendet më të prekura, pasi aty numri i personave që kanë humbur jetën ka shkuar në 3.405. Ndërsa në SHBA kanë humbur jetën 217 persona. Në Greqi deri më tani kanë humbur jetën 7 persona dhe në Francë ka 372 viktima. Të infektuar ka edhe në Kosovë, Mal të Zi, Maqedoninë e Veriut, Gjermani dhe në shumë vende të Europës. Në Shqipëri 70 persona janë infektuar me COVID-19 dhe 2 prej tyre ka humbur jetën.
Marrë dhe përkthyer nga Thepoliticalinsider.com
