Me iniciativën e gazetarit Bledi Mane dhe kryebashkiakes Alma Hoxha, virtuozi i pavdekshëm i klarinetës dhe i folklorit tonë Laver Bariu “rikthehet” në Përmet. Mbështetur financiarisht nga përmetarët fisnikë Laert Kasaj, Behar Mançellari, Leonidha Komino, Gjergj Luca, Elvis Toçi, Julinda Dhame, Edi dhe Ervin Manushi, Alma dhe Zamo Spathara skulptori i ri i talentuar Alem Toska ka realizuar një vepër arti e cila do mbetet e gjallë përjetësisht ashtu si kabatë dhe këngët e vetë usta Laverit.
Ndërkohë do ti kërkohet Këshillit Bashkiak që statuja të vendoset në lulishten e shatërvanit aty ku është marrë edhe vendimi për ta kthyer në panteonin e përmetarëve të pavdekshëm. Faleminderit të gjithëve për kontributin tuaj dhe ju njoftojmë se vendosja dhe përurimi i statujës do të bëhet javën e tretë të muajit maj në Përmetin tonë.
