Ndërsa në Tiranë studentët vijojnë protestën, në Gjirokastër bëhet mësim normalisht. Studentët e Universitetit ‘Eqrem Çabej’ ishin të fundit që u çuan në protestë dhe ndër të parët që iu rikthyen sërish auditorëve. Nesër pritet të vendoset për shtyrjen e sezonit të provimeve, si dhe zhvillimin e mësimit për disa të shtuna, për të zëvendësuar ditët e protestave. Edhe protesta që zhvillohet në Tiranë, e ka humbur pasionin dhe tempin e ditëve të fundit të vitit 2018. Qeveria nga ana tjetër ka plotësuar me disa VKM kërkesat e studentëve, si dhe do të nisë së shpejti prezantimin e Paktit për Universitetin.
©Argjirolajm.net
