Sulme ajrore në Gaza, 110 të vdekur! Sot Izraeli do paraqesë propozim të ri për armëpushim

Të tjera sulme ajrore intensive izraelite në Rripin verior të Gazës. Forcat izraelite kryen rreth 40 sulme ajrore në Beit Hanoun. Numri i të vdekurve nga sulmet është rritur në të paktën 110 palestinezë. Të paktën 34 nga viktimat po prisnin ushqim pranë një vendi shpërndarjeje ndihmash të drejtuar nga Fondacioni Humanitar i Gazës.
Sot, pas refuzimit të vendosur të një propozimi për armëpushim nga Hamasi, Izraeli do paraqesë harta të reja për ripozicionimin e IDF-së në rast të një marrëveshjeje për armëpushim dhe lirim pengjesh përgjatë Korridorit Morag dhe perimetrit përreth Gazës, pasi Hamasi hodhi poshtë ofertën e tij të mëparshme.
Sipas raportimeve, bisedimet në Doha për një marrëveshje kanë arritur në një ngërç mbi natyrën e tërheqjes së ushtrisë në rast të një marrëveshjeje.