Ditën e djeshme spikatën Arbnor Muja dhe Taulant Seferi më golat e tyre në klubet respektive. Dy sulmuesit e kombëtares, ishin protagonistë duke ndihmuar skuadrën për të marrë pikë.
Arbnor Muja shënoi golin e parë për Antwerp, që barazoi 2 me 2 ndaj Westerlo në Belgjikë. Goli i pestë ky sezonal për të. (VIDEO)
Më i rëndësishëm goli i Seferit, që po ashtu shënoi golin e parë për skuadrën e tij Baniyas në fitoren 2 me 1. Me penallti, ish-sulmuesi i Tiranës gjeti golin e gjashtë sezonal dhe atë që barazoi sfidën kundër Ittihad Kalba. Më pas skuadra e tij menaxhoi të shënonte dhe 1 tjetër, për të përmbysur sfidën.
Dhe pse nuk është grumbulluar nga Kombëtarja prej kohësh, nuk mund të mos përmendet goli i Rey Manajt në Turqi. Ai shënoi golin e vetëm të sfidës, në fitoren që Sivasspor mori kundër Istanbulspor.
Kështu ky vit u mbyll më së miri, teksa viti 2024 pritet të jetë i Kombëtares. Kjo sepse dhe do përfaqësojë Shqipërinë në Europianin e Gjermanisë.
