Pas lajmit të publikuar dje në “Gazetën TemA” në lidhje me borxhet e shumta të klubit të Luftëtarit dhe mundësisë së shitjes nga ana e presidentit Grigor Tavo, ka ardhur reagimi i këtij të fundit.
Grigor Tavo ka pranuar borxhet e shumta që ka, por thekson se nuk do ta shesë klubin e Luftëtarit.
“Duke marre shkas nga shkrimet ne disa portale, se Grigor Tavo eshte duke shitur Luftetarin per shkak te borxheve , ndiej detyrimin moral te sqaroj opinionin publik se Luftetari eshte pjese e pandare e imja dhe per asnje arsye nuk do te largohem dhe te braktis Luftetarin. Per sa i perket gjendjes financiare te ekipit, eshte i vertete fakti qe Luftetari, ashtu sic do skuader tjeter ne Shqiperi, ka detyrime te cilat jane akumuluar nga aktiviteti i shoqerise.
Gjithashtu eshte e vertete si drita e diellit qe detyrimet qe Luftetari ka per te vjele jane shume me te larta se borxhi, keshtu qe skuadra ne aspektin financiar eshte rentabel. Pjesen se une dashkam qe problemet financiare tja faturoj Bashkise Gjirokaster, e quaj qesharak, pasi gjyqi me bashkine, eshte vetem per te kaluar ne llogarin e Luftetarit kontributin qe kjo bashki duhet te derdhe si aksionere ne skuader.
Grigor Tavo, me financimin e tij dhe kontributin e Bashkise Gjirokaster, per pjesen qe i takon, e ktheu Luftetarin ne Kategorine Superiore dhe per dy sezone me rradhe, beri krenar me rezultate nje qytet te tere. Aludimeve se Luftetari eshte keqmenaxhuar dhe per pasoje nuk merr dot rezultate, skuadra do tu pergjigjet ne fushe pasi me punen serioze shpresoj dhe besoj se shume shpejt do te shihni Luftetarin e vertete”, thuhet në deklaratën e Tavos.
Por, burime për “Gazetën TemA” nga tatimet kanë bërë të ditur se Administratori, Grigor Tavo, është i bllokuar nga ana e tatimeve për arsye të mos pagesës së sigurimeve shoqërore si dhe është debitor në vlerën mbi 100 milon me shtetin.
Skandali i menaxhimit të klubit nga ana e Grigor Tavos është se ka mbi 3 muaj që nuk i likuidon futbollistët – si dhe është debitor me subjektet e hoteleris aty ku janë akomoduar futbollistët.
Burimet për “Gazetën TemA” bëjnë të ditur gjithashtu se flitet që borxhi në total shkon rreth 300 milion lek.
Pas gjithë këtyre keq menaxhimeve që Grigor Tavo i ka bërë klubit të Luftëtarit, mësohet se tentativa e fundit e tij është kalimi në administrim të Klubit tek biznesmeni i Kromit Bekim Halili.
