Policia e Gjirokastrës bën bilancin e javës që shkoi. Përmes një njoftimi për mediat, thuhet se janë arrestuar dy shtetas që drejtonin makinën në gjendje të dehur. Dy shoferë të tjerë ndërkohë janë proceduar në gjendje të lirë.
“Specialistët e Seksionit të Trafikut Interurban dhe Urban bënë arrestimin në flagarancë të shtetasit D. R., 52 vjeç, banues në fshatin Picar, Gjirokastër, pasi në aksin Gjirokastër-Tepelenë, është konstatuar duke drejtuar automjetin në gjendje të dehur. Gjithashtu u arrestua në flagrancë shtetasi A. Ll., 46 vjeç, banues në Gjirokastër, pasi në lagjen “18-Shtatori” u konstatua në duke drejtuar automjetin në gjendje të dehur”, thuhet në njoftimin e Policisë.
Në vijim bëhet me dije se janë pezulluar 13 leje drejtimi.
“Janë vendosur 338 masa administrative, për drejtim mjeti nën efektin e pijeve alkoolike, mosvendosjen e rripit të sigurimit, parakalime të gabuara, për ndalim/pushim të mjetit në kundërshtim me sinjalizimin rrugor dhe rregullat e qarkullimit dhe për shkelje të rregullave të tjera të Kodit Rrugor, të cilat janë burim aksidenti. Janë bllokuar 3 automjete për mungesë dokumentacioni”, thuhet në njoftimin e policisë. ©argjiroja.net
