Disa djem të rinj kanë shkuar për peshkim në Ujin e Ftohtë në Tepelenë, në anë të Vjosës dhe me sa duket, pasioni i tyre nuk ka dalë keq sot.
Ata kanë kapur një troftë me peshë 3 kilogramë dhe gjatësi mbi gjysmë metri. Mos mendoni se e kanë kapur me dinamit apo me mjete të tjera të ndaluara për gjuetinë. Gjithçka e kanë realizuar me fill spango, me grep dhe me një peshk tjetër që e kanë ushqyer grepin.
Brenda troftës tregojnë se gjetën edhe tre peshq të tjerë, të cilët peshku i madh nuk i kishte tretur ende. “Ta hash këtë është ilaç“, – thotë njëri nga të rinjtë në një komunikim me JOQ.al.
Epo, ju bëftë mirë djema!
