Vllaznia do te luaje te shtunen ne Gjirokaster ndaj Luftetarit ndeshjen e rradhes per kampionat e cila eshte vertete shume e rendesishme per te dy ekipet. Vendasit ndodhen ne vendin e nente dhe me nje fitore te mundshme duan te rihyjne ne lojen e pretendimeve per t’iu larguar vendeve qe i çojne nje kategori me poshte.
Edhe shkodranet duan fitoren per “t’i mbyllur njehere e mire hesapet” me vendin e nente por kjo nuk do te jete e lehte. Kete e tregojne edhe statistikat ne fakt sepse Vllaznia nuk fiton ne Gjirokaster prej plot 12 vitesh.
Hera e fundit qe ajo ka mundur Luftetarin ne fushen e tij ka qene me date 17 mars te vitit 2007 teksa ne fund te 90 minutave do te vulosnin rezultatin 1-0 ne favorin e tyre.
Dhe me interesantja eshte se ate gol me shume vlere te fitores se fundit te Vllaznise ne Gjirokaster e ka shenuar, as me pak dhe as me shume por administratori i sotem i saj- Suad Lici.
Jo vetem kaq. Ne fushe si titullar per kuqeblute ne ate takim kane qene edhe dy pjestare te tjere te Vllaznise, pikerisht zevendestrajneri aktual Safet Osja dhe kapiteni aktual Gilman Lika.
Te tre ata kontribuan ne ate fitore te fundit ne fushe, por nderkohe te shtunen Lika serish ne fushe dhe Osja e Lici ne pankine e tribune, do te tentojne t’i mundin serish gjirokastritet brenda ne fushen e tyre.
