Qarku i Gjirokastrës është i ‘mbërthyer’ nga moti i keq. Reshjet e shiut me intensitet të lartë që kanë nisur prej mesditës së sotme kanë krijuar probleme edhe në furnizimin me ujë të pijshëm në qytetin e Tepelenës dhe Memaliajt. Ky i fundit që prej orës 23:00 të mbrëmjes së kaluar është pa ujë, për shkak të mungesës së energjisë elektrike në stacionin e pompave.
Furnizimi me ujë është bërë sot nga Tepelena. Por mësohet se sonte në mbrëmje do të ketë kufizime në furnizimin me ujë në të dy qytetet, pasi siç dihet Memaliaj dhe Tepelena kanë një ndërmarrje të përbshkët të ujësjellësit. Sipas OSHEE avaria e krijuar në stacionin e pompave është e rëndë dhe do të kërkojë kohë të riparohet.
©ArgjiroLajm.net
