Një tërmet me madhësi 5.7 të shkallës Rihter u regjistrua në orën 01:14 në Greqi, 24 kilometra në jug-jugperëndim të qytetit të Nisyros. Sipas një njoftimi nga Instituti Gjeodinamik i Observatorit Kombëtar të Athinës, tërmeti përshkruhet si “shumë i fortë”. Instituti Sizmologjik Euro-Mesdhetar (EMSC) vlerësoi se tërmeti kishte një madhësi prej 5.9 dhe ndodhi në një thellësi të vogël fokale prej rreth 2 km. Fatmirësisht nuk ka raportime për dëme materiale.
