Një tërmet i fuqishëm me magnitudë 6.4 ballë, i shkallës Rihter ka goditur Shqipërinë në orën 03:55 të mëngjesit të sotëm.
Tërmeti rrëzoi pallate e shënoi dëme të shumta, duke lënë fatkeqësisht 16 viktima dhe mbi 600 të plagosur.
Situata më dramatike paraqitet në Durrës dhe në Thumanë.
Në Thumanë janë shembur totalisht tre pallate, dhe nën rrënoja ka disa persona për të cilit forcat zjarrfikëse po punojnë për t’i nxjerrë gjallë, me shpresën e madhe.
Edhe në Durrës ku dëmët janë të shumta, tre të pajetë u nxorrën nga rrënojat e pallateve të shembur, ndërsa një u gjet tek Vila Palma në Durrës.
Në Kurbin një tjetër person humbi jetën, pasi i kapur nga paniku në tentativë për t’i shpëtuar lëkundjeve të fuqishme që u ndjenë, është hedhur nga ballkoni. Ai humbi jetën si pasojë e lartësisë nga kati i tretë. Po në Kurbin, një tjetër person, ndërroi jetë pasi duke drejtuar automjetin humbi kontrollin duke u përplasur për vdekje.
Sizmiologët thonë se ky ishte tërmeti më i fortë që prej vitit 1926. Më poshtë sjellim foto të pamjeve të frikshme, pas tërmetit tragjik në Durrës dhe Thumanë.
