Fatkeqësia e tërmetit që goditi Shqipërinë ditën e djeshme ka tërhequr vëmendjen dhe të presidentit të Rusisë Vladimir Putin.
Shefi i Kremlinit i përcolli homologut Meta mesazhin ngushëllues për jetët e humbura të tërmetit katastrofal të mëngjesit të djeshëm.
Mesazhi është përcjellë nga Ambasada e Rusisë në vendin tonë:
Sot Presidenti Rus Vlladimir Putin i ka dërguar një telegram ngushëllimi Presidentit të Republikës së Shqipërisë SH.T.Z. Ilir Meta
“I nderuar zoti President,
Pranoni ngushëllimet e mia të thella për viktimat e shumta dhe pasojat e tmerrshme të shkaktuara në vendin Tuaj nga tërmeti.
Ju lutem t`u përcillni të afermve të viktimave fjalë ngushëllimi dhe përkrahjeje, si edhe urimet për shërim sa më të shpejtë të të gjithë të lënduarve.
Vladimir Putin
Moskë,
Më 27 nëntor 2019”
