Trajneri i Tiranës, Orges Shehi u shpreh i lumtur pas fitores 1-0 ndaj Bylis.
“Padiskutim që është fitore e rëndësishme, sidomos në anën psikologjike. Ana tekniko-taktike kalon në plan të dytë, kishim ndeshje që nuk fitonim, shpresoj që të na rikthejë pak qetësinë dhe optimizmin. Kur humbet ndeshje radhazi, gjithçka të duket e zezë.
Është e vërtetë që Ndong na rregulloi në fushë. Xhixha nuk është mirë me gjendjen fizike, kam diskutuar me të pas Elbasanit, më tha që brenda vitit është ndeshja e parë që luan 90 minuta. Me shpirt sakrifice, e nxorri. Xhixha është djalë me karakter, e ngarkon pak kjo që të jetë më i miri. Por me minutat që ka në këmbë, do të jetë më mirë. Në sulm kemi Taren dhe Mehmetin, ky i fundit është më luftarak. Tare është më shumë lojtar zone. Haxhiun e kemi përdorur në shumë pozicione.
Tabekou meriton komplimente pasi sakrifikoi shumë, 4 ditë nuk është stërvitur fare, sot rrezikoi gjithçka për gjithçka. Skuadra e dinte që mund të ishte treni i fundit sot. Këto që thashë na bëjnë që mos të jemi shumë shkëlqyes. Mos të harrojmë, jam trajneri i katërt, ndryshojnë gjërat. Ndërtimi kërkon shumë punë dhe kohë, nuk është gjë e lehtë.
Po ta shikoni, ndeshja ishte 1-0, mbrojtësit nuk koordinoheshin, vjen nga ngarkesa psikologjike. Shumicën e rasteve mesfushorët ishin 1v1 dhe mbrojtësit sigurisht që kishin vështirësi. Futëm Cortes, pasi luan më mirë me këmbë. Duke ngjitur Ndong, këtë ta bën këmba e mirë, këtu vuajtëm. Për të shkuar ultra ofensivë, ishim vendosur mirë me 4-4-2. Sigurisht që Mehmeti shpenzon shumë energji, edhe kur vendosemi me bllok të mesëm, për shkak të eksperiencës ndikon.
Nuk ishte vetëm Cortes që ndërtoi, por meriton komplimente edhe Alvarez, i cili mendoj se ka shumë futboll, por e penalizon ana fizike. Kur futëm Alvarez të detyruar për shkak të Haxhiut, ai ishte një pikë për ne. Xhixha po vuante shumë, edhe nga ana fizike, u munduam shumë. Mendova vetëm për të ruajtur rezultatin dhe për të ikur nga rreziku i zonës ku kundërshtari kërkonte të përfitonte me krosimet, sidomos nga krahu i majtë. Edhe mos të kishim rrezik, fundi i ndeshjes kërkon sa më shumë qetësi.
Nuk duhej humbur kjo ndeshje, sa ka ndikuar? Ne gjithë këto kohë kemi punuar shumë për të fituar ndeshjen, por edhe për të mos pësuar gol. Kjo sepse ndeshjet sa vijnë edhe ngushtohen, duke mos pësuar je gjithmonë në lojë. Kjo është ndeshje përballë një rivali, vlen më shumë se 3 pikët. Vlen edhe te psikologjia”, tha Shehi.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
