Julian Ahmataj, trajneri i Luftëtarit pas ndeshjes në Krujë në emisionin “Gol pas Goli”, ka pohuar : “Ishte një pakujdesi në mbrojtje që u ndëshkuam me gol. Pastaj gjërat bëhen të vështira e sidomos kur terreni është i rënduar. Ne vijojmë nga 4-5 ndeshje ndoshta ekipi ka vuajtur edhe mungesat, janë lojtarë stabël. Por edhe ata që luajtën bën shumë mirë. Mund të barazonim, djemtë dhanë më të mirën nuk kam se çfarë t’i them. Kanë bërë ndeshje shumë të mirë pavarësisht aspektit taktik. Duhet që të vazhdojmë përpara. Ishte veç një ndeshje. Falënderoj ambientin, ishte shumë komod, por i kanë qenë shumë korrekt në zhvillimin e ndeshjes”.
Goli i anuluar
Lidhur me golin e anuluar të Dungës, trajneri Ahmataj ka theksuar se: “Nuk jam marrë fare me gjyqtarët. Në qoftë se ka qenë i rregullt më vjen keq që se kanë quajtur gol, nëse është i parregullt, atëherë skam se çfarë të them janë vendime arbitrare. Por, pika do të në ndihmonte shumë”.
Rivaliteti
Fitorja e Kastriotit ka bërë që diferenca të ngushtohet, ndërsa Ahmataj ka theksuar se: “E ka thënë gjithmonë se nuk kemi presion. Jemi në një garë dhe jemi më të avantazhuar sepse jemi 4 pikë larg. Janë edhe shumë ndeshje. Ne do të luajmë takimet e radhës janë shumë pikë në lojë dhe Luftëtari do t’i marrë takimet sipas radhës duke mos bërë gabime e duke qenë sa më vigjilentë”.
Ndeshja me Laçin
“Ndeshja me laçin në shtëpi ka tjetër fizionomi, normalisht që është ndryshe si me kjo me Kastriotin. Do të përgatitemi dhe do të përgatitemi duke gjetur pikat e dobëta të kundërshtarit të radhës dhe të tregojmë anën tona të fortë në këtë ndeshje për t’u rikthyer te fitoret”.
Ngarkesa
Sa i përket ngjeshjes së kalendarit dhe ka këllqe Luftëtari që të kërkojë 3 pikët ndaj Laçit, Ahmataj tha: “Në skuadër ka 6-7 lojtarë që kanë marrë minuta. Kemi aktivizuar lojtarë të rinj duke i dhënë minuta, por edhe të huajt që kanë ardhur po vëmë re se po marrin minuta duke bërë që të kemi 17-18 lojtarë. Mendoj se Luftëtari ka freski sepse të gjithë bëjnë më të mirën. Me aq ngarkesa që ka kampionati kam besim se do të bëjmë maksimumin”, – tha Ahmataj pas ndeshjes në Krujë.
