Serbia pret Shqipërinë me 11 tetor, në një sfidë shumë të rëndësishme, sa i takon kualifikueseve të botërorit. Lista e mungesave për serbët duket e gjatë, me trajnerin Stojkovic që ka konfirmuar se për këtë takim nuk do jenë në dispozicion Saša Lukić, Ivan Ilić, Kosta Nedeljković, Gudelj dhe Vanja Milinković.
“Si gjithmonë, nuk do fshehim asgjë, ka disa ndryshime. Kemi një listë të gjatë lëndimesh. Saša Lukić i lënduar, jashtë fushave për 4-6 javë. Ivan Ilić ka një dëmtim në pulpë, ndërsa tashmë e dini që Katai ka një dëmtim në gju.
Kosta Nedeljković nuk stërvitet prej dy muajsh, Gudelj ndjeu dhimbje në ijën e djathtë mbrëmë, Vanja Milinković Savić luajti mbrëmë me gjilpëra”- tha trajneri Stojkovic.
© BalkanWeb
