Tekniku i Kamzës, Devolli u shpreh mjaft i lumtur dhe krenar për lojtarët e tij, që arritën të mposhtin një skuadër të madhe sipas tij, Tiranën në limite të takimit, me atë gol të Plakut. Për “Supersport”, Devolli tha:
“Nuk është e rastësishme, kemi bërë një punë të gjatë, plot 6 javë. Dua të falënderoj futbollistët, janë heronj të vërtetë. Për këta futbollistë dua të falënderoj drejtuesit, presidentin drejtorin, kam një grup të mrekullueshëm që sakrifikojnë të gjithë, nga i pari te ai në pankinë, vetëm me punë. Në stërvitje kemi thënë në çdo ndeshje duhet të bëjmë maksimumin.
I vetmi peng është para ndeshjes, se janë nja dy lojtarë që nuk kanë mbërritur akoma edhe pse kanë firmosur me ne, jam i kënaqur gjithsesi, çdo ditë në stërvitje me çunat, nëse i bën hyzmetin, do të vijë edhe rezultati i ndeshjes.
Gjithmonë me këmbë në tokë, se pa punë dhe sakrificë nuk vijnë rezultatet. Nuk kam thënë se jam i kënaqur me barazimin, kam thënë që do të shkojmë çdo ndeshje për tre pikët, në çdo stërvitje kërkoj agresivitet, grintë, intensitet, . e thash që nuk është i rastësisht, edhe [pse vuajtëm, është Tirana që ka ardhur nga kategoria e parë që ka tjetër ritëm.
E kam thënë edhe presidenti që në fillim që duhet të kemi vetëm durim, pasi futbolli nuk dihet si merr,. E rëndësishëm është të kemi durim të presim, se kemi ndërtuar një ekip me merak, me djem të mrekullueshëm, ku harmonia ka notën 10. U them lojtarëve çdo ditë në stërvitje që nuk ka rëndësi rezultati, e rëndësishme është të vimë këtu pa pasur gjë pishman. Të gjithë të jemi bashkë.”,- përfundoi Devolli.
