Në 24 orët e fundit në Vlorë-Sarandë janë arrestuar tre persona për vepra të ndryshme penale.
Konkretisht në pranga ka rënë personi i shpallur në kërkim D. B, 60 vjeç, banues në fshatin Drashovicë, Vlorë, pasi Gjykata e Shkallës së Parë Vlorë i ka caktuar masën e sigurisë “Arrest në burg” për veprën penale “Kultivimi i bimëve narkotike”, kryer në bashkëpunim. Gjithashtu është arrestuar në flagrancë E. Rr, 37 vjeç, banues në Ksamil, pasi u kap në rrugën e Butrintit duke drejtuar automjetin në gjendje të dehur. Në pranga është vënë I. L, 30 vjeç, banues në Tepelenë, pasi u kap në aksin rrugorë Dhërmi-Vlorë duke drejtuar automjetin në gjendje të dehur.
Sakaq në një fshat të Delvinës, gjatë orëve të mbrëmjes së djeshme dyshohet se 3 persona i kanë marrë me dhunë një armë gjahu shtetasit Dh.K. Po punohet për sqarimin e rrethanave te ngjarjes, identifikimin dhe kapjen e autorëve.
