Deputeti i Partisë Demokratike, Tritan Shehu shprehet se në Parlament nuk do të ketë dualitet mes Bashës dhe Berishës, por vetëm bashkëpunim mes tyre. Në një intervistë për gazetën Mapo ai lë të hapur mundësinë e bashkëpunimit me Lëvizjen Socialiste për Integrim në Parlament.
Këtë të shtunë nis punimet sesioni i ri parlamentar dhe PD është sërish në opozitë. Ndërkohë, keni premtuar opozitë të fortë dhe të njëjtën gjë pretendon edhe LSI. Do të kemi rivalitet mes jush dhe LSI-së apo më shumë mundësi për bashkëpunim në një front të fortë opozitar?
Pa asnje dyshim PD ne Kuvendin e ri do te jete strumbullari i opozites sone. Dhe ne kete faze shume te veshtire per vendin, perballe arrogances dhe gabimeve te renda te maxhorances, perballe nje situate te thelle kriminale e me droge te vendit, roli i opozites merr rendesi te vecante, historike do te thosha une. Dhe kete rol mund ta luaje vetem PD ne radhe te pare, per vete vlerat, historine, perkatesine ne qendren e djathte te saj, dimensionet qe ka, rrugetimin qe ka bere etj. Ky rol eshte shume i rendesishem per te sotmen dhe te nesermen e vendit tone. Dhe ne kete aspekt te luftes opozitare, qe do te jete e larmishme, demokratike, vizionare e alternative ne kemi ne krah dhe aleatet tane te koalicionit tone para zgjedhor. Por, dhe kete dua ta theksoj, une jam i bindur se ne do te bashkepunojme me te gjitha ato forca politke reale dhe qe jane te vendosura te jene aktive ne opozite. Dhe ketu fjalen e kam ne radhe te pare per LSI, me te cilen mund te kete shume interesa e alternativa te perbashketa. Pa dyshim kur keto do te perputhen une besoj se bashkepunimi nuk ka pse dhe nuk duhet te mungoje. Kjo eshte elementare ne politike. Dhe ne kete sens une nuk shoh asnje rivalitet e problem.
