Një incident ka ndodhur mbrëmjen e sotme në Greqi, ku disa persona kanë dhunuar deputetin Yanis Varoufakis, ish-ministrin e Financave të qeverisë së parë të Alexis Tsipras dhe aktualisht kryetarin e partisë Dita 25. Siç raportojnë mediat greke, Yanis Varoufakis ishte duke darkuar në restorantin e njohur të Exarchia me gruan e tij Danae dhe komitetin koordinues të partisë, kur një grup prej rreth 20 personash që kalonin jashtë nisën ta shanin. Sipas informacioneve, ata kanë hyrë vetë në lokal dhe për të mos vazhduar tensionin, vetë Varoufakis ka dalë jashtë. Më pas ata e sulmuan duke e rrahur. Sulmi është drejtuar nga katër persona, ndërsa njëri prej tyre ishte duke filmuar ngjarjen. Në fakt, njëri prej tyre e ka goditur me grusht në fytyrë, për pasojë ai është rrëzuar dhe më pas, ai vetë e ka goditur sërish me shkelma në fytyrë.
Raporte të tjera thonë se grushti i tij në fytyrë ishte me grusht me dorezë hekuri. Deputeti grek nuk ka pasur me vete mbrojtjen policore dhe ka shkuar në këmbë me gruan e tij në spitalin “Evangelismos” me hundë të thyer, ndërsa ka plagë dhe të nxira në pjesë të tjera të trupit. Raportohet se ai është jashtë rrrezikut për jetën dhe plotësisht i vetëdijshëm për çfarë ndodhi. Siç tha ai, gjithçka ka ndodhur shumë shpejt dhe ka marrë goditje të pakta, por shumë të forta dhe të rënda në fytyrë.
Autorët ishin të gjithë të veshur me të zeza dhe tiparet e fytyrës i kishin të mbuluara me kapuç. Mjekët i kanë vënë në dukje kreut të MeRA25 se nuk ka arsye për t’u shqetësuar dhe i kanë sugjeruar që të qëndrojë sonte në spital. Varoufakis, megjithatë, refuzoi dhe u largua pak pas orës 00:30, duke marrë rekomandime për të ndjekur udhëzimet e mjekëve të tij. Gjatë daljes nga spitali ai nuk ka bërë deklarata. ©argjiroja.net
