Presidenti Donald Trump deklaroi se SHBA-ja ka përfunduar ndalimin e ndarjes së informacionit të inteligjencës me Ukrainën, duke shtuar se administrata e tij duhet të bëjë gjithçka që mundet për t’i bërë ukrainasit seriozë në lidhje me arritjen e një marrëveshjeje për të përfunduar luftën me Rusinë.
“E dini, unë them që ata nuk kanë kartat. Askush në të vërtetë nuk ka kartat. Ajo që duhet të bëni është të bëni një marrëveshje dhe duhet të ndaloni vrasjet. Është një luftë pa kuptim, dhe ne do ta ndalojmë atë”. tha Trump gazetarëve gjatë një intervistë të shkurtër në Air Force One mbrëmjen e së dielës.
Trump gjithashtu shprehu mendimin se Ukraina do të nënshkruajë marrëveshjen për mineralet, por tha se ai dëshironte që ata të dëshironin paqe tani.
Gjatë një interviste prej gati 10 minutash me gazetarët, Trump iu përgjigj pyetjeve mbi një sërë temash, duke përfshirë llojet e sanksioneve ose tarifave që ai mund të vendosë ndaj Rusisë.
Presidenti shpjegoi se ai dhe ekipi i tij kishin shqyrtuar opsionet e tyre, por fokusi i tij ishte në disa takime të mëdha që do të zhvilloheshin në Arabinë Saudite, ku do të përfshihen Rusia dhe Ukraina.
“Do të shohim nëse mund të bëjmë diçka” përfundoi ai
