Presidenti amerikan Donald Trump vendosi të flasë gjatë një tubimi në Nebraska se si ai dhe administrata e tij arritën të bashkonin Kosovën dhe Serbinë përmes një marrëveshje në shtator të 2020 në zyrën ovale. Një marrëveshje që në fakt ishte për normalizimin e marrëdhënieve ekonomike. Trump dëgjohet duket thënë se Kosovë-Serbi kishin 400 vjet duke luftuar dhe jo 40.
Donald Trump thotë:
“Ju e dini që unë u nominova për tre çmime Nobel për Paqen, e besoni dot? Dhe për të gjitha rajonet e ndryshme, si Kosova dhe Serbia, ne jemi duke bërë marrëveshje, ju i dini marrëveshjet tregtare. Thashë prit një minutë, a nuk janë ata gjithmonë duke luftuar me njëri-tjetrin? Po, për shumë dekada. Nga e dini? Unë thashë, e di që ata luftojnë njëri-tjetrin gjatë gjithë kohës.
Thuajuni atyre se ne nuk do të bëjmë ndonjë biznes me ta – ata duan biznesin tonë, në rregull – ne nuk do të bëjmë biznes nëse nuk bëjmë një marrëveshje kur ata ndalojnë së vrari njëri-tjetrin. Dhe ju e dini se çfarë? U deshën rreth 20 minuta.
Ata kanë luftuar për 40 vjet. Unë mendoj se ata kanë luftuar për 400 vjet, ju doni të dini të vërtetën, por ata kanë luftuar për një kohë të gjatë. Ata duan të bëjnë një marrëveshje. Papritmas, dy muaj më parë, ata ishin në Zyrën Ovale, duke u përqafuar dhe puthur, kjo ishte e lehtë ”.
-Kosova dhe Serbia nënshkruan më 4 shtator në Shtëpinë e Bardhë një marrëveshje mbi normalizimin ekonomik.
