Turizmi e Mjedisi me dy zv.ministra të rinj, Ilva Gjuzi e Sofjan Jaupaj

Pasi u rikonfirmua si drejtuese politike e PS-së në qarkun Gjirokastër, Mirela Kumbaro do të ketë dy bashkëpunëtorë të rinj në Ministrinë e Turizmit dhe Mjedisit. Në mbledhjen e sotme të qeverisë janë emëruar dy zëvendësministra: Ilva Gjuzi dhe Sofjan Jaupaj. E para është shfaqur kohët e fundit publikisht përmes platformës “Deputeti që Duam” si dhe u propozua nga kryeministri Edi Rama në postin e nënkryetares së Asamblesë së PS. Jaupaj ndërkohë është një nga bashkëpunëtorët e hershëm të Mirela Kumbaros prej kohës kur drejtonte Ministrinë e Kulturës. Së fundi ai mbante detyrën e drejtorit të Përgjithshëm Ekonomik dhe Shërbimeve Mbështetëse në Ministrinë e Turizmit e Mjedisit. Po sot janë shkarkuar zv.ministrat Almira Xhembulla dhe Vilma Bello. ©Argjiroja.net