Mjafton vetëm kjo foto për të kuptuar mesazhin e dhimbshëm, një të vërtetë të trishtë. Drama e një familje me katër anëtarë që u shua në pak orë pas tërmetit të 26 nëntorit.
Katër pjesëtarë të familjes Reçi me origjinë nga Mirdita humbën jetën tragjikisht nën rrënoja. Ata do percillen sot per ne banesen e fundit.
Babai Eduard Reçi, 54 vjeç, nëna Dolora Reçi, 49 vjeç, vajza Kristi Reçi, 25 vjeç, dhe djali Klaus Reçi, 21 vjeç do përcillen sot për në banesën e fundit.
Kristi Reçi ishte vajza që studionte Mjekësi.
Ajo ëndërronte që të bëhej mjeke, por nuk ia doli. Kristi është vajza e xhaxhait të këngëtares dhe moderatores së njohur Evi Reçi, fakt që e bëri publik në rrjetet sociale vetë këngëtarja.
25-vjeçarja studionte në Universitetin e Mjekësisë në Tiranës dhe rektori i këtij insititucioni, Arben Gjata konfirmon se tërmeti i 26 nëntorit preu në mes ëndrrat e mjekes së ardhshme nga Durrësi.
“Mes viktimave të tërmetit edhe studentja jonë, e ndjera Kristi Reçi. Për të dhe për të gjithë viktimat e kësaj dite të kobshme; ju qoftë përherë e gjelbër lëndina, u prehshi në paqe dhe ngushëllime familjeve!”, shkruajti Gjata në Facebook.
