Për shkak të bllokadave Covid-19, shkollat për më shumë se 168 milionë fëmijë janë mbyllur për gati një vit, njoftoi organizata e OKB-së, UNICEF.
”Shkollat në 14 vende të botës mbetën kryesisht të mbyllura nga marsi 2020 deri në shkurt 2021”, sipas raportit të UNICEF.
Prej tyre, dy të tretat janë në Amerikën Latine dhe Karaibe, ku gati 98 milionë fëmijë janë prekur nga kjo situatë.
“Ndërsa i afrohemi momentit historik njëvjeçar të pandemisë Covid-19, ne kujtojmë edhe një herë emergjencën katastrofike arsimore që kanë krijuar bllokadat globale”, tha në një deklaratë drejtorja ekzekutive e UNICEF, Henrietta Fore.
“Me kalimin e çdo dite, fëmijët që nuk mund të kenë qasje në arsim personalisht po bien më tej, me më të margjinalizuarit që paguajnë çmimin më të lartë,” theksoi Fore.
Agjencia paralajmëroi se mbylljet e vazhdueshme të shkollave kanë “pasoja shkatërruese”, me fëmijët më të rrezikuar që rrezikojnë të detyrohen të martohen ose të punojnë që fëmijë, njofton atsh.
Ajo shtoi se ”më shumë se 888 milionë fëmijë në të gjithë botën vazhdojnë të përjetojnë ndërprerje në arsimin e tyre për shkak të mbylljes së plotë dhe të pjesshme të shkollave, duke përmendur shifrat e UNESCO-s”.
