Në Tepelenë është shënuar sot një rast i ri me koronavirus. Burime të Argjirolajm.net bëjnë me dije se është një 39-vjeçare nga fshati Nivicë, e cila është nisur me urgjencë drejt Tiranës pak minuta më parë, sapo është mësuar se është e prekur.
Rasti konfirmohet nga NJVKSH Tepelene ku specifikon se 39-vjeçarja kishte ardhur nga Tirana para disa ditësh tek prindërit e saj në fshatin Nivicë dhe më pas kishte ndjerë simptoma të ngjashme me ato të COVID-19.
Kanë qenë inspektorët e NJVKSH ata që kanë marrë tampon tek 39-vjeçarja e cila sapo u konfirmua me këtë virus. NJVKSH sapo ka marrë tampone tek prindërit dhe tek kontaktet e 39-vjeçares në fshat.
